Alona Śvirydava skaraciła kolkaść vystupleńniaŭ z-za chraničnaha zachvorvańnia
Bližejšyja kancerty zapłanavanyja na lipień, paśla čaho ŭ hrafiku budzie paŭza da kastryčnika, piša Mash.
Pavodle infarmacyi sajta, prablemy sa zdaroŭjem u 63‑hadovaj vykanaŭcy piesień «Ružovy fłaminha» i «Biednaja aviečka» pačalisia letaś. Z vosieni jana rehularna prachodzić lačeńnie ŭ dzionnym stacyjanary — užo jak minimum vosiem razoŭ, apošni raz u mai.
Pry hetym Śvirydava praciahvaje šmat padarožničać pa krainie i za jaje miežami. Viasnoj i letam adpačyvaje ŭ Krymie, dzie maje dom na bierazie mora.
Sama artystka paviedamiła Mash, što prablem sa zdaroŭjem u jaje niama i ŭsio dobra.
Alona Śvirydava naradziłasia ŭ Kierčy ŭ Krymie. Kali budučaja śpiavačka była jašče małaja, jaje siamja pierajechała ŭ Minsk, dzie Alena skončyła škołu. Skončyła muzyčna-piedahahičnaje adździaleńnie tahačasnaha Minskaha piedahahičnaha instytuta. Padčas vučoby viała vakalnuju studyju i vystupała ŭ žanočym vakalna-instrumientalnym ansambli pry prafkamitecie zavoda imia Vaviłava. Pracavała kancertmajstram i aktrysaj u Teatry imia Horkaha.
U 1993 hodzie pierajechała ŭ Maskvu, dzie zbudavała svaju karjeru.