Tramp nazvaŭ lidaraŭ Irana niačesnymi ludźmi, jakija źlili ŭ ŚMI vartuju žalu i nikčemnuju zajavu

Prezident ZŠA Donald Tramp u svajoj sacyjalnaj sietcy Truth Social napisaŭ post, u jakim nie chavaje abureńnia pavodzinami iranskaha kiraŭnictva.

Donald Tramp. Fota: AP Photo / Alex Brandon

«Umovy, jakija Iran źliŭ fejkavym ŚMI, nie majuć nijakaha dačynieńnia da ŭmoŭ, jakija byli ŭzhodnienyja ŭ piśmovym vyhladzie.

Toje, što jany zajavili, uklučajučy ich słabuju i vartuju žalu zajavu ab najaŭnaści ździełki, nie maje ničoha ahulnaha z praŭdaj.

Heta vielmi niesumlennyja ludzi. Ź imi niemahčyma vieści dobrasumlennyja pieramovy. Ašałamlalna!

Akramia taho, ich całkam adbitaja ataka bieśpiłotnikaŭ minułaj nočču na indyjskija sudny, jakija vychodzili z Armuzskaha praliva, absalutna nieprymalnaja.

Im lepš uziacca za rozum, i chutka!» — napisaŭ Tramp.

Pierad hetym Iran apublikavaŭ tekst mierkavanaha pahadnieńnia z ZŠA z 14‑ci punktaŭ.

U doŭhim pieraliku, jaki raspaŭsiudziła iranskaje dziaržaŭnaje ahienctva Mehr, utrymlivajucca maštabnyja patrabavańni Tehierana.

U ich liku — poŭnaje źniaćcie sankcyj, vyvad amierykanskich vojskaŭ z rehijona, razbłakavańnie zamarožanych iranskich aktyvaŭ na sumu $24 miljardy i dapamoha ŭ adnaŭleńni krainy na sumu nie mienš za $300 miljardaŭ.

Choć u dakumiencie znoŭ paćviardžajecca abaviazacielstva Irana nie stvarać jadziernuju zbroju, prajekt taksama praduhledžvaje, što ZŠA pavinny buduć pajści na surjoznyja sastupki — naprykład, źmiakčeńnie naftavych sankcyj i źniaćcie marskoj błakady — jašče da pačatku finalnych pieramoŭ.

Kamientary da artykuła