Na pažary ŭ Biarozie ŭratavali piensijaniera
U horadzie Biaroza supracoŭniki MNS vyratavali mužčynu padčas pažaru ŭ piacipaviarchovym domie na vulicy Kirava.
Skrynšot ź videa
Kali padraździaleńni MNS prybyli na miesca zdareńnia, jany pabačyli, što dym idzie z padvalnaha pamiaškańnia doma. Ratavalniki adrazu pačali raźviedku, kab vyznačyć krynicu pažaru i pravieryć, ci znachodziacca ŭ niebiaśpiečnaj zonie ludzi.
Padčas ahladu adnaho z sutareńniaŭ supracoŭniki MNS znajšli mužčynu, jaki nie moh samastojna pakinuć zadymlenaje miesca. Jaho vyvieli na śviežaje pavietra i pieradali miedycynskim rabotnikam.
Bryhada chutkaj dapamohi dastaviła piensijaniera ŭ balnicu dla ahladu i akazańnia nieabchodnaj dapamohi. Paśla miedycynskaha abśledavańnia vyśvietliłasia, što jaho stan nie patrabuje dalejšaha znachodžańnia ŭ stacyjanary, tamu mužčynu adpuścili dadomu.
Pažar byŭ całkam patušany supracoŭnikami MNS. Ciapier śpiecyjalisty vyśviatlajuć dakładnuju pryčynu ŭźniknieńnia pažaru i ŭsie abstaviny zdareńnia.