U Homieli piensijanier paŭstahodździa zachoŭvaŭ revalvier uzoru 1895 hoda. Na jaho danios syn
U Homieli 72‑hadovy mužčyna bolš za paŭstahodździa zachoŭvaŭ doma revalvier sistemy «Nahan» i patrony da jaho. Pra najaŭnaść zbroi ŭ milicyju paviedamiŭ jaho syn, piša vydańnie «Biełka».
Piensijanier, uradženiec Ukrainy, raskazaŭ śledčym, što znajšoŭ revalvier na terytoryi Čarnihaŭskaj vobłaści bolš jak 50 hadoŭ tamu i pryvioz jaho ŭ Homiel. Uvieś hety čas zbroja lažała ŭ jaho doma, pry hetym jon nikoli joj nie karystaŭsia.
Padčas pravierki vyśvietliłasia, što mužčyna vioŭ zakonapasłuchmiany ład žyćcia i raniej surjoznych pravaparušeńniaŭ nie ździajśniaŭ, kali nie ličyć parušeńni PDR.
Ekśpiertyza pakazała, što sam revalvier byŭ vyrableny pa ŭzory 1895 hoda, a viečka ramki adnosicca da 1944 hoda. Miarkujecca, što hetaja zbroja mahła vykarystoŭvacca ŭ časy Druhoj suśvietnaj vajny. Akramia revalviera, u jaho znajšli 16 zavodskich patronaŭ i adzin samarobny.
Kali da mužčyny pryjšli supracoŭniki milicyi, jon biez supracivu pieradaŭ im zbroju i ličyŭ, što zrabiŭ heta dobraachvotna. Adnak pakolki jon sam raniej nie paviedamiŭ pra jaje najaŭnaść siłavikam, to piensijanier pajšoŭ pad sud.
Sud pryznaŭ hamielčuka vinavatym u niezakonnym zachoŭvańni ahniastrelnaj zbroi i pryznačyŭ jamu pakarańnie — paŭtara hoda abmiežavańnia voli biez nakiravańnia va ŭstanovu adkrytaha typu («chatniaja chimija»).
Čytajcie taksama:
U Minsku mužčyna rabiŭ u kvatery ramont i znajšoŭ revalvier
U Klecku na mohiłkach znajšli staradaŭni nahan
U Mazyrskim rajonie žančyna pad knihami i hazietami znajšła 227 patronaŭ 1895 hoda