Hroznyja ispancy nie zmahli ničoha zrabić sa zbornaj Kaba-Verde

Debiutanty turniru ź nievialikaj astraŭnoj afrykanskaj dziaržavy i z pryjemnym biełaruskamu voku nacyjanalnym ściaham zdoleli adabrać bały ŭ dziejnych čempijonaŭ Jeŭropy — sustreča zakončyłasia nulavoj ničyjoj.

Futbalisty Kaba-Verde radujucca svajmu dasiahnieńniu. Fota: AP Photo/Erik S. Lesser 

Zbornaja Ispanii, jak i naležała joj pavodle statusu, amal uvieś matč vałodała pieravahaj: ispancy kantralavali miač 74% času, nanieśli 27 udaraŭ pa varotach spabornika suprać šaści ŭ Kaba-Verde, a taksama padali 11 vuhłavych. Adnak futbalisty afrykanskaj zbornaj usio ž taki vystajali ŭ abaronie i nie dazvolili favarytu matču nivodnaha razu zabić.

Dla kamandy Kaba-Verde, jakaja maje nasielnictva ŭsiaho kala 583 tysiač čałaviek, heta pieršy ŭdzieł u finalnaj stadyi čempijanatu śvietu i adpaviedna pieršy bał, zdabyty na mundyjalach.

Pry hetym zorny napadnik zbornaj Ispanii Mikiel Ajarsabal za pieršyja 30 chvilin matča ŭvohule ni razu nie dakranuŭsia da miača. I heta prytym, što pierad turniram jaho nazyvali adnym z hałoŭnych pretendentaŭ na zvańnie najlepšaha bambardzira čempijanatu.

Kamientary da artykuła