U Łojevie bryhadzie chutkaj dapamohi pahražali pistaletam
Zdareńnie adbyłosia jašče ŭ siaredzinie krasavika. Žančynie paśla ŭžyvańnia ałkaholu stała drenna. Bryhada miedykaŭ vyjechała pa adrasie.
U kvatery było dvoje: mužčyna i žančyna. Sa słoŭ miedycynskich rabotnikaŭ, łajaŭčanka była ŭzbudžanaja, hučna kryčała, užyvała niecenzurnuju leksiku, pavodziła siabie ahresiŭna.
U niejki momant mužčyna, jaki taksama znachodziŭsia ŭ stanie ałkaholnaha apjanieńnia, nakiravaŭ u bok miedrabotnikaŭ pistalet. Bryhada śpiešna pakinuła kvateru i paviedamiła pra zdareńnie ŭ milicyju.
Milicyja, što prybyła na miesca zdareńnia, zatrymała mužčynu, a zbroju nakiravała na balistyčnuju ekśpiertyzu.
Zhodna z zaklučeńniem ekśpierta, kanfiskavanaja zbroja źjaŭlajecca pnieŭmatyčnym hazabałonnym pistaletam «Borner M84», pryznačanym dla stralby z vykarystańniem śfieryčnych kul kalibru 4,5 mm, adnosicca da kanstruktyŭna padobnych da pnieŭmatyčnaj zbroi vyrabaŭ z dulnaj enierhijaj 2,28 Dž. Ahniastrelnaj zbrojaj dadzieny ŭzor nie źjaŭlajecca. Pistalet prydatny dla stralby.