Adno dzicia, što trapiła pad abstreł u Branskaj vobłaści, znachodzicca ŭ ciažkim stanie
Adno dzicia znachodzicca ŭ ciažkim stanie paśla ataki na aŭtobus ź biełaruskaj futbolnaj kamandaj, paviedamili ŭ Ministerstvie achovy zdaroŭja Rasii.
Usiaho paśla zdareńnia byli špitalizavanyja siem čałaviek.
Dron prylacieŭ u dvuchpaviarchovy aŭtobus kamandy DIUSŠ №2 Rečycy, jakuju pavieźli na adpačynak u Hielendžyk u Krasnadarskim krai Rasii.
Pavodle paviedamleńnia kiraŭnika Branskaj vobłaści Jahora Kavalčuka, u aŭtobusie jechała dziciačaja futbolnaja kamanda.
Aŭtobus jechaŭ pa trasie Homiel — Bransk. U vyniku vybuchu zahinuła žančyna, jakaja supravadžała dziaciej. Ci ź Biełarusi jana, nie paviedamlajecca.
Miascovyja ŭłady zajaŭlajuć, što ŭsich paciarpiełych apieratyŭna dastavili ŭ balnicu, dzie miedyki akazvajuć im nieabchodnuju dapamohu. Pra stan paranienych dziaciej pakul nie viadoma.
U aŭtobusie znachodzilisia 44 pasažyry, u tym liku 28 dziaciej, paviedamlaje SK RF.
«Astatnija pasažyry ŭ bližejšy čas buduć viernutyja dadomu», — havorycca ŭ paviedamleńni.