Abaronca zbornaj Francyi budzie karmić picaj rodnuju viosku padčas čempijanatu śvietu
Maksans Łakrua, centralny abaronca łondanskaha «Krystał Pełas» i zbornaj Francyi, zrabiŭ padarunak svaim asabistym zaŭziataram.
Fota: Jose Breton/Pics Action/NurPhoto via Getty Images
Na čas čempijanatu śvietu 2026 hoda jon apłacić picu dla ŭsich žycharoŭ svajoj rodnaj vioski Až, raźmieščanaj u departamiencie Dardoń, piša Onliner.by.
Z takoj inicyjatyvaj futbalist vystupiŭ asabista, a radasnaj navinoj z presaj padzialiŭsia mer Aža.
Nasielnictva vioski składaje ŭsiaho kala 350 čałaviek. Ciapier kožny matč z udziełam «trochkalarovych» budzie supravadžacca ŭ Ažy sumiesnym pajadańniem picy.
Historyja suviazi abaroncy ź vioskaj davoli kranalnaja. U dzieviacimiesiačnym uzroście siamja budučaha hulca pierajechała z Paryža ŭ sielskuju miascovaść Dardoni. Mienavita tam, budučy adzinym dziciom u siamji, Łakrua vyras i zrabiŭ pieršyja kroki ŭ futbole, pierš čym adpravicca ŭ kłub «Sašo», a zatym ckarać Bundeślihu i Premjer-lihu.
Zbornaja Francyi startavała na turniry 16 červienia, abyhraŭšy Sieniehał (3:1), ale Łakrua na poli nie vyjšaŭ.
Čytajcie taksama:
Najlepšy bambardzir čempijanatu śvietu — aŭtahoł
Miesi aformiŭ chiet-tryk i staŭ najlepšym bambardziram u historyi čempijanataŭ śvietu