U kramie zaŭvažyli «fiermierskuju sol»: kiłahram kaštuje 800 rubloŭ
Zdajecca, u Biełarusi źjaviŭsia novy pretendent na zvańnie samaha darahoha bazavaha praduktu.
U adnoj z kram zaŭvažyli fiermierskuju sol: za słoičak vahoj 50 hramaŭ prosiać amal 40 rubloŭ, piša Onliner.by.
Viadoma, heta nie zvyčajnaja sol — jana z trufielem i pryviezienaja ź Italii. U składzie, akramia soli i sušanaha trufiela, paznačany taksama aramatyzatar.
Vytvorcam praduktu nazvana fierma Villa Magna ŭ Taskanie, jakaja zajmajecca vyroščvańniem trufielaŭ i vytvorčaściu praduktaŭ z trufielami.
Kiłahram takoj soli kaštuje amal 800 rubloŭ, ale litaralna pobač na palicy ŭ jaje jość kankurent: inšaja italjanskaja trufielnaja sol kaštuje 31,49 rubla za 100 hramaŭ.