Šaściarych paciarpiełych u Branskaj vobłaści evakujujuć u Biełaruś
Chłopčyku, jaki znachodzicca ŭ ciažkim stanie, była praviedziena apieracyja.
Fota z telehram-kanała hubiernatara Branskaj vobłaści Jahora Kavalčuka
Šaściora paciarpiełych u Branskaj vobłaści buduć evakujavanyja ŭ Biełaruś Pra heta paviedamiŭ žurnalistam ministr achovy zdaroŭja Alaksandr Chadžajeŭ, piša BiełTA.
«Na hety momant evakujujucca šaściora paciarpiełych. Ź ich dvoje znachodziacca ŭ ciažkim stanie: adno dzicia i adzin darosły. Jašče čatyry čałavieki majuć traŭmy roznaj stupieni ciažkaści, ale ich stan nie aceńvajecca jak ciažki», — skazaŭ ministr.
Chłopčyku, jaki znachodzicca ŭ ciažkim stanie, źmiašanaj bryhadaj śpiecyjalistaŭ, u skład jakoj uvachodzili miedyki z Maskvy, Branska i Biełarusi, była praviedziena apieracyja.
Učora pozna viečaram aŭtobus ź biełaruskimi dziećmi viarnuŭsia ŭ Rečycu.
17 červienia ŭ Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.