Łukašenka zajaviŭ, što aficer pavinien baranić Radzimu, a nie słužyć dziela kvatery i kuchni
Palityk na naradzie z vajskoŭcami padkreśliŭ važnaść jakasnaj padrychtoŭki aficeraŭ, piša BiełTA.
«Tamu aficery — pytańnie numar adzin, — skazaŭ jon. — Rychtavać treba pa-sapraŭdnamu. A kali niechta nie choča hetaha rabić, značyć, nam ź im nie pa darozie».
Alaksandr Łukašenka źviarnuŭ uvahu, što z boku dziaržavy niamała zroblena dla taho, kab va Uzbrojenych siłach byli ŭsie ŭmovy dla takoj padrychtoŭki aficerskaha składu. Hetaksama jak i dla zabieśpiačeńnia ich žyllom i naležnymi bytavymi ŭmovami.
«Tak dakładna. Vielmi šmat (zroblena z boku dziaržavy)», — skazaŭ ministr abarony Viktar Chrenin.
«I ty mnie pastajanna prychodziš i kažaš pra toje, što treba vyrašyć tyłavyja pytańni: kvatery, žonki, kuchni, dzieci i inšaje. Ja razumieju, što heta nieabchodna. Ale aficer pavinien razumieć, što ŭsie my słužym nie tolki dziela taho, kab była kuchnia. My vybrali sabie takuju prafiesiju — abaraniać Radzimu. I ŭ roznych umovach budziem heta rabić», — skazaŭ Alaksandr Łukašenka.