Kir Starmier pajšoŭ u adstaŭku
Premjer-ministr Vialikabrytanii, lejbaryst Kir Starmier syšoŭ siońnia ŭ adstaŭku. Jon prabyŭ na pasadzie premjera niapoŭnyja dva hady, źmianiŭšy ŭ lipieni 2024 hodzie Ryšy Sunaka.
Kir Starmier. Fota: Peter Macdiarmid/Pool Photo via AP
Cisk na brytanskaha premjera ŭzmacniŭsia paśla pieramohi jaho ŭnutrypartyjnaha apanienta Endzi Biornema na dadatkovych vybarach u Mejkierfiłdzie. Viartańnie Biornema ŭ parłamient daje jamu mahčymaść aficyjna pretendavać na lidarstva ŭ Lejbarysckaj partyi.
Pavodle infarmacyi ahienctva Reuters, bolš za 100 deputataŭ-lejbarystaŭ publična zaklikali Starmiera pajści ŭ adstaŭku abo nazvać jaje datu. Sam jon zajaviŭ, što maje namier zmahacca za svaju pasadu i zaklikaŭ adnapartyjcaŭ nie asłablać partyju ŭnutranymi kanfliktami.
Starmier abmiarkoŭvaŭ svaju palityčnuju budučyniu sa svajoj žonkaj u zaharadnaj rezidencyi Čekiers.
Endzi Biornem paśla svajoj pieramohi paabiacaŭ prapanavać krainie «novy šlach». Jaho prychilniki raźličvajuć na chutkuju pieradaču ŭłady biez praciahłaj baraćby za lidarstva ŭ partyi.