Kiroŭca, jaki prataraniŭ kamienny płot u Niaśvižy, pierad tym skraŭ mašynu ŭ Klecku
Raniej paviedamlałasia, što ŭ Niaśvižy chłopiec prataraniŭ kamienny płot: ad mašyny i aharodžy mała što zastałosia. Ciapier stała viadoma, što ŭ hetaj situacyi byli istotnyja niuansy.
Uviečary 20 červienia ŭ Klecku ŭładalnik aŭtamabila pakinuŭ mašynu z zaviedzienym ruchavikom kala kramy i nienadoŭha adyšoŭ. Hetym skarystaŭsia 22‑hadovy miascovy žychar: jon sieŭ za rul čužoha aŭto i źjechaŭ.
Paśla paviedamleńnia pra kradziež mašyny supracoŭniki DAI abviaścili płan «Pierachop». Padčas pahoni ŭ Niaśvižy ŭhonščyk straciŭ kantrol nad aŭtamabilem. Mašyna naskočyła na bardziur, a paśla ŭrezałasia ŭ aharodžu. Kiroŭca atrymaŭ traŭmy i byŭ dastaŭleny ŭ balnicu.
Ciapier siłaviki pravodziać pravierku pa fakcie kradziažu i vyrašajuć pytańnie ab uzbudžeńni kryminalnaj spravy.
Čytajcie taksama:
U Niaśvižy chłopiec prataraniŭ kamienny płot: ad mašyny i aharodžy mała što zastałosia
Pad Mahilovam Fiat źbiŭ dvuch darožnych rabočych — 23‑hadovy chłopiec zahinuŭ