Pamior były kupałaviec Michaił Majeŭ
Nie stała Michaiła Majeva, zahadčyka mastacka-pastanovačnaj častki staličnaha Teatra lalek, byłoha techničnaha kiraŭnika sceny ŭ Kupałaŭskim teatry, admietnaj fihury biełaruskaha teatra, piša Reform.news.
Fota: sacsietki staličnaha Teatra lalek
«My stracili čałavieka, bieź jakoha nie vychodziŭ nivodzin śpiektakl. Kožnaja pastanoŭka, jakaja idzie siońnia i budzie iści zaŭtra, zachavaje pamiać i ŭdziačnaść Michaiłu za plon i addanaść», — paviedamiŭ siońnia pra stratu kalektyŭ Teatra lalek.
U minskim lalečnym Michaił Majeŭ pracavaŭ z 2022 hoda. Da hetaj pary jon słužyŭ u Kupałaŭskim, dzie byŭ u svoj čas važnaj postaćciu, prajšoŭšy ŭsie stupieni zakulisnaha žyćcia. U starych prahramkach jaho imia značyłasia ŭ radku «Śpiektakl viaduć…» — jon pracavaŭ pamočnikam režysiora, paśla byŭ zahadčykam trupy, a z časam uznačaliŭ mastacka-pastanovačnuju častku. Mienavita jon poŭnaściu zabiaśpiečvaŭ techničny bok i zapusk sceny Kupałaŭskaha paśla jaho maštabnaj rekanstrukcyi ŭ 2013 hodzie.
U žniŭni 2020 hoda Michaił adkryta vykazaŭ svaju hramadzianskuju pazicyju, padpisaŭšy sumiesny zvarot viadomych artystaŭ i daktaroŭ da ŭładaŭ suprać hvałtu.
Zastajučysia na pasadzie namieśnika hienieralnaha dyrektara pa mastacka-pastanovačnaj častcy ŭ razhromlenym teatry, u listapadzie 2020‑ha jon iranična prakamientavaŭ sproby ŭład pravieści kastynhi dla naboru novaj trupy:
«Dy nie budzie teatra! Prynamsi ŭ hetym siezonie. Da toj pary, pakul nie źmienicca situacyja».
U 2022 hodzie Michaił Majeŭ pierajšoŭ u Biełaruski dziaržaŭny teatr lalek, dzie pracavaŭ da apošnich dzion.
Čytajcie taksama:
U Rasii pamior pravasłaŭny manach, jaki byŭ deputatam Viarchoŭnaha Savieta Biełarusi XII sklikańnia