Znakamity zubr kala trasy M1 narešcie pačaŭ «dychać»

Znakamity zubr kala trasy M1 u Bresckaj vobłaści pieratvaryŭsia z prostaha prydarožnaha pomnika ŭ sučasnuju turystyčnuju słavutaść. Paśla maštabnaj madernizacyi skulptura atrymała interaktyŭnyja efiekty i navat ułasny sajt.

Fota: npr.by

Abnaŭleńnie pačałosia niekalki hadoŭ tamu. U 2022 hodzie vyrašyli nie prosta adramantavać pomnik, a zrabić jaho bolš realistyčnym. Zubru dadali detalova prapracavanuju poŭść, abjomnyja rysy hałavy i asablivy efiekt «žyvoha pozirku». Ciapier jahonyja vočy mohuć mirhać.

Pobač sa skulpturaj uparadkavali terytoryju, zrabili parkoŭku i ŭstalavali kampazicyju z nadpisam «Bresckaja vobłaść». Dziakujučy hetamu miesca stała papularnym punktam dla fotazdymkaŭ i prypynkaŭ padčas padarožžaŭ.

Z 19 červienia 2026 hoda ŭ zubra źjaviłasia jašče adna niezvyčajnaja asablivaść — jon pačaŭ «dychać». Unutry skulptury ŭstalavali śpiecyjalnuju sistemu, jakaja vypuskaje z nozdraŭ vobłaka pary, imitujučy dychańnie žyvioły. Vyšynia takoha «vydychu» dasiahaje prykładna 5,5 mietra.

Dla turystaŭ stvaryli śpiecyjalny internet-servis, na jakim možna ŭbačyć tajmier da nastupnaha «ŭdychu» i zahadzia spłanavać naviedvańnie, kab nazirać hetaje vidovišča. Cikava, što servis pracuje na čatyroch movach — akramia prahnazavanych biełaruskaj, ruskaj i anhlijskaj jość jašče i kitajskaja. 

U budučyni arhanizatary taksama płanujuć vybrać dla zubra aficyjnaje imia. 

Kamientary da artykuła