Miesi staŭ absalutnym rekardsmienam pa kolkaści hałoŭ na čempijanatach śvietu
38‑hadovy arhiencinski futbalist Lijanel Miesi u matčy sa zbornaj Aŭstryi zabiŭ svoj 17‑y miač u finalnych matčach čempijanataŭ śvietu i ŭstanaviŭ absalutny rekord pa hetym pakazčyku. Ciapier jon adnaasobny najlepšy bambardzir na mundyjalach.
Lijanel Miesi. Fota: AP Photo/Jessica Tobia
Na druhim miescy zastaŭsia niemiec Mirasłaŭ Kłoze z 16‑iu hałami.
U fienamienalnaj karjery Lijanela Miesi ciapierašni mundyjal užo šosty, raniej jon udzielničaŭ u čempijanatach śvietu 2006, 2010, 2014, 2018 i 2022 hadoŭ. Za hety čas jon zhulaŭ u 28 matčach i zabiŭ 17 hałoŭ. Prytym 4 ź ich — na hetym čempijanacie, raniej zorny forvard adznačyŭsia chiet-trykam u startavym matčy z Ałžyram.
U 2022 hodzie Miesi staŭ u składzie zbornaj Arhienciny čempijonam śvietu, u 2014‑m zavajavaŭ srebny miedal. Na abodvuch hetych paśpiachovych dla arhiencincaŭ turnirach jon staŭ uładalnikam «Załatoha miača» jak najlepšy hulec.
Čytajcie taksama:
Miesi aformiŭ chiet-tryk i staŭ najlepšym bambardziram u historyi čempijanataŭ śvietu
Čamu na mundyjali tak šmat futbalistaŭ hulajuć u ružovych bucach?