Pad Minskam pierakuliłasia cysterna z 26 tonami cemientu
Darožna-transpartnaje zdareńnie adbyłosia 22 červienia kala 13:45 na 13‑m kiłamietry aŭtadarohi Minsk — Dziaržynsk, pablizu ahraharadka Ščomyślica Minskaha rajona, paviedamlaje DAI Minskaj vobłaści.
Kiroŭca aŭtamabila Hyundai Solaris 1947 hoda naradžeńnia ruchaŭsia z boku Minska pa siaredniaj pałasie. Pry pierastrojvańni ŭ krajniuju pravuju pałasu dla pavarotu naprava jon nie sastupiŭ darohu i sutyknuŭsia z hruzavikom MAZ z paŭpryčepam, jaki ruchaŭsia ŭ tym ža napramku pa pravaj pałasie.
U vyniku sutyknieńnia paŭpryčep z cysternaj, u jakoj znachodziłasia 26 ton cemientu, pierakuliŭsia na prajeznuju častku.
Z-za zdareńnia na hetym učastku darohi byli pierakrytyja dźvie z troch pałos ruchu.
Pasažyrka lehkavoha aŭtamabila, žančyna 1949 hoda naradžeńnia, była dastaŭlenaja ŭ balnicu dla abśledavańnia.