MTS zapuskaje 5G-roŭminh
Biełaruski mabilny apieratar MTS paviedamiŭ pra zapusk pasłuhi 5G-roŭminhu, jakaja dazvalaje karystacca internetam piataha pakaleńnia za miažoj.
Zdymak ilustracyjny. Fota: magnific.com
Pakul technałohija dastupnaja ŭ šaści krainach: Polščy, Turcyi, Hruzii, Hiermanii, Uźbiekistanie i Armienii.
Kab skarystacca 5G-roŭminham, nieabchodna mieć pryładu z padtrymkaj 5G, a taksama aktyvavanyja pasłuhi «Roŭminh», «Pieradača danych» i «Internet 5G», jakija ŭvachodziać u bazavyja taryfy kampanii.
Znachodziačysia za miažoj, karystalniki zmohuć vybirać miascovych apierataraŭ, jakija padtrymlivajuć 5G. U mabilnym dadatku takija sietki adznačajucca śpiecyjalnym značkom.
U kampanii adznačajuć, što buduć pastupova pašyrać kolkaść krain i partnioraŭ, kab zabiaśpiečyć dostup da chutkasnaha internetu pa ŭsim śviecie.
U Biełarusi sietka 5G ad MTS raźvivajecca z krasavika. Ciapier u apieratara bolš za 1,1 tysiačy bazavych stancyj u bujnych haradach, a raźvićcio viadziecca sumiesna z kampanijaj beCloud.
Čytajcie taksama:
«Vyhladaje jak žart». U biełaruski śpisali 3740 BYN za 6 chvilin u roŭminhu
Apublikavali novy rejtynh najbolš papularnych historyka-architekturnych pomnikaŭ Biełarusi