U akupavanym Sievastopali źnikła śviatło
Kala hałoŭnaj padstancyi było šeść-siem prylotaŭ bieśpiłotnikaŭ.
U akupavanym Sievastopali paśla načnoj ataki dronaŭ całkam źnikła elektryčnaść, zajaviŭ kiraŭnik horada Michaił Razvažajeŭ.
Telehram-kanał «Krymski viecier» sa spasyłkaj na svaich padpisčykaŭ paviedamlaje, što kala śvitańnia 24 červienia pa hałoŭnaj elektrapadstancyi Sievastopala było «šeść—siem prylotaŭ», u vyniku čaho ŭźnik pažar, dym ad jakoha byŭ bačny na šmat kiłamietraŭ.