U Vieniesuele ad ziemlatrusu abrynulisia dziasiatki budynkaŭ, budzie šmat achviar
U noč na 25 červienia kala ŭźbiarežža Vieniesueła adbylisia dva ziemletrasieńni mahnitudaj 7,2 i 7,5. V.a. prezidenta Dełsi Radryhies uviała ŭ krainie režym nadzvyčajnaha stanovišča.
Fota: Javier Campos / AP
Intervał pamiž padziemnymi šturškami skłaŭ mienš za adnu chvilinu. Ziemlatrus adbyŭsia prykładna za 160 km ad Karakasa, paviedamlaje Reuters sa spasyłkaj na dadzienyja Hieałahičnaja słužba ZŠA (USGS).
Pavodle apošnich źviestak, zahinuli 32 čałavieki, kala 700 atrymali ranieńni, zajaviła Radryhies u efiry miascovaha telebačańnia.
«Abrynulisia dziasiatki budynkaŭ, i ciapier my vielmi intensiŭna pravodzim vyratavalnyja raboty, kab vyratavać stolki žyćciaŭ, kolki Boh dazvolić nam vyratavać», — skazała jana.
USGS pieršapačatkova acaniła vierahodnaść taho, što kolkaść achviar ziemletrasieńniaŭ składzie ad 1 da 10 tysiač čałaviek, u 39%, a vierahodnaść taho, što jana dasiahnie ad 10 da 100 tysiač čałaviek, — u 37%.