Najbujniejšaja izrailskaja avijakampanija prypyniła paloty ŭ Maskvu praz ataki ŭkrainskich bieśpiłotnikaŭ
Najbujniejšy izrailski avijapieravozčyk El Al abviaściŭ pra časovaje spynieńnie rejsaŭ pa maršrucie Tel-Aviŭ — Maskva ŭ suviazi ź niebiaśpiečnaj abstanoŭkaj u pavietranaj prastory nad rasijskaj stalicaj. Paviedamleńni ab admienie rejsaŭ z 25 červienia byli razasłany pasažyram, paviedamlaje «Hołas Izraila».
Fota: elal.com
U kampanii adznačyli, što rehularnyja pahrozy atak bieśpiłotnikaŭ i abmiežavańni ŭ pracy maskoŭskich aeraportaŭ pryviali da surjoznaj niavyznačanaści ŭ raskładzie i zrabili vykanańnie rejsaŭ pa hetym napramku składanym.
Avijaznosiny prypynieny da narmalizacyi situacyi i zabieśpiačeńnia ŭsich nieabchodnych umoŭ dla biaśpiečnaj ekspłuatacyi samalotaŭ na dadzienym maršrucie.