Zialenskamu dałažyli pra razbudovu vajskovaj infrastruktury ŭ Biełarusi

Prezident Ukrainy Uładzimir Zialenski paviedamiŭ pra dakład jamu, zrobleny vykanaŭcam abaviazkaŭ kiraŭnika Słužby źniešniaj raźviedki Ukrainy Aleham Łuhaŭskim. Siarod inšaha niamała miesca ŭ im było pryśviečana i biełaruskaj prablematycy.

Uładzimir Zialenski i Aleh Łuhaŭski. Fota: Ofis prezidenta Ukrainy

«Asobna Aleh Łuhaŭski dałažyŭ pra realizacyju pad vidavočnym rasijskim upłyvam u Biełarusi mier pa padrychtoŭcy da patencyjnaha pašyreńnia ahresii suprać Ukrainy.

Uzdoŭž našaj dziaržaŭnaj hranicy ŭ Biełarusi zaviaršajecca budaŭnictva infrastruktury daroh i baz zachoŭvańnia bojeprypasaŭ dy paliŭna-zmazačnych materyjałaŭ, jakija nie majuć nijakaha inšaha sensu, akramia vajskovaha. Heta pryhraničnyja kirunki Kobryn — Koviel, Ivanava — Manievičy, Łuniniec — Sarny, Rečyca — Koraścień i Homiel — Čarnihaŭ. Viedajem, što ŭ rasijskich dakumientach heta apisvajecca mienavita ŭ kantekście zadač tak zvanaj «SVA».

Biełaruś atrymała ad Ukrainy nieabchodnyja sihnały adnosna takoj dziejnaści, a taksama i adnosna ŭsich inšych farmataŭ jaje kałabaracyi z Rasijaj u intaresach zaciahvańnia i maštabavańnia vajny. Biełaruś viedaje, jakija kroki patrebny ź jaje boku dla miru.

Razbudova pryhraničnaj infrastruktury ahresii z boku Biełarusi pavinna być spyniena. Kroki, nakiravanyja na deeskałacyju i mir, pavinny być zroblenyja mienavita biełaruskim bokam», — napisaŭ Uładzimir Zialenski.

Kamientary da artykuła