Vypravilisia ŭ darohu pieršyja pilihrymki na Budsłaŭski fest

Tradycyjna kala 2 tysiač viernikaŭ u składzie pilihrymak z roznych kutkoŭ Biełarusi štohod nakiroŭvajucca na fest Maci Božaj Budsłaŭskaj. Pieršyja piešyja pałomnictvy vyjšli 25 červienia, piša vydańnie Katolik.life.

Tradycyjna pieršymi ŭ katalicki Nacyjanalny sanktuaryj u Budsłavie vypravilisia samyja praciahłyja pilihrymki z Baranavičaŭ i Lidy. Ich udzielniki buduć iści 9 dzion i prybuduć da cudatvornaha abraza Božaj Maci 3 lipienia — da pačatku festu ŭ Budsłavie.

Pilihrymaŭ u Baranavičach dabrasłaviŭ biskup Pinski Antoni Dziamjanka. Jany projduć najbolšuju adlehłaść — amal 300 kiłamietraŭ. Pa darozie da pałomnictva dałučajucca ŭdzielniki — ź Ivianca, Rakava, Radaškovičaŭ, inšych nasielenych punktaŭ.

U storys na staroncy pilihrymki možna pakinuć svaju prośbu, ab jakoj buduć malicca pałomniki ŭ darozie.

Nieŭzabavie ŭ Budsłaŭ vyjduć pilihrymy ź Viciebska, Minska, Naračy, Smarhoni i inšych miescaŭ. Letaś u składzie zvyš 20 piešych i rovarnych pilihrymak na fest Maci Božaj Budsłaŭskaj prybyli amal 2,5 tys. pałomnikaŭ.

Kamientary da artykuła