«Vovu za takoje treba rakam pastavić na Krasnaj płoščy!» Rasija zakipaje ad narastańnia deficytu paliva
Videa z zapravak i tras Rasii nielha ŭklučać pry dzieciach. Maskva, Noŭharad, Aroł, Kastrama, Krasnadar, Ramienskaje — prablemy ź bienzinam raspaŭsiudzilisia na bolšaść rehijonaŭ naftahazavaj krainy.
Apantany prahaj źniščeńnia Ukrainy i panavańnia nad Jeŭropaj, Kreml spaliŭ na impieryjalistyčnaj vajnie bolš za 360 tysiač čałaviek, sotni tysiač zastalisia kalekami, ale ludskija straty nie vyklikali takoj bury ŭ rasijan, jak niemahčymaść zapravić mašynu.
«Vovu za takoje treba rakam pastavić na Krasnaj płoščy!» —publična zajaŭlaje na videa mužčyna z Naŭharodskaj vobłaści.