Spłaŭ na bajdarkach pa Pcičy ledź nie skončyŭsia trahiedyjaj
U Asipovickim rajonie na race Pcič vyratavali žančynu 1990 hoda naradžeńnia, jakaja ŭdzielničała ŭ spłavie na bajdarcy, piša BiełTA.
Fota: Tavarystva ratavańnia na vodach
Incydent adbyŭsia ŭviečary 26 červienia ŭ ahraharadku Kaŭhary. Paviedamleńnie pra čałavieka ŭ vadzie pastupiła ratavalnikam ad vidavočcaŭ.
Pavodle papiaredniaj infarmacyi, žančyna razam ź siabrami spłaŭlałasia na bajdarkach. Padčas ruchu jana ŭpuściła viasło i, sprabujučy jaho dastać, mocna nachiliłasia. U vyniku bajdarka pierakuliłasia, a žančyna apynułasia ŭ vadzie prykładna za piać mietraŭ ad bieraha.
Jaje spadarožniki zdoleli chutka vybracca na bierah i paviedamić pra zdareńnie. U Tavarystvie ratavańnia na vodach adznačyli, što žančyna była ŭ vyratavalnaj kamizelcy.
Miedyki ahledzieli paciarpiełuju, paśla čaho jaje špitalizavali dla dalejšaha nazirańnia.
Čytajcie taksama:
Słałamny kanał pad Minskam budzie pracavać usio leta
Chłopčyk prapłyŭ u akijanie čatyry kiłamietry, kab uratavać siamju