U rajonie vulic Marksa i Lenina ŭ Minsku abmiežavali ruch usiaho transpartu
Viadziecca likvidacyja nastupstvaŭ učorašniaha pažaru.
«U suviazi z praviadzieńniem avaryjna-vyratavalnych rabot pa likvidacyi nastupstvaŭ pažaru časova abmiežavany ruch usich vidaŭ transpartnych srodkaŭ pa vulicy Karła Marksa na ŭčastku ad vulicy Lenina da vulicy Enhielsa», — paviedamiła ranicaj DAI.
Dziaržaŭtainśpiekcyja prosić uličvać hetuju infarmacyju pry vybary maršrutu.
Nahadajem, što ŭčora ŭ druhoj pałovie dnia ŭ Minsku zahareŭsia dom pa vulicy Karła Marksa, 35 / Lenina, 11. Hareli dach i haryšča šaścipaviarchovaha žyłoha doma. Płošča hareńnia składała bolš za tysiaču kvadratnych mietraŭ była padzielena na čatyry bajavyja ŭčastki. Byli zadziejničanyja 27 adzinak techniki i bolš za 120 rabotnikaŭ ratavalnaha viedamstva.
Siońnia a treciaj ranicy MNS paviedamiła, što pažar likvidavany.