Film «Majkł» staŭ samym kasavym bajopikam u historyi
Jon abahnaŭ «Apienhiejmiera».
Džaafar Džeksan, jaki źniaŭsia ŭ roli Majkła Džeksana, na fota druhi źleva. Fota: Ebrahim Noroozi / AP
Bijahrafičny film «Majkł» pra Majkła Džeksana staŭ samaj kasavaj stužkaj, zasnavanaj na realnych padziejach, sabraŭšy $977 młn u suśvietnym prakacie, paviedamlaje Variety.
Jon pieraŭzyšoŭ rekord «Apienhiejmiera» (2023), jaki zarabiŭ $975 młn, a taksama staŭ samym kasavym muzyčnym bajopikam, abyšoŭšy «Bahiemskuju rapsodyju» (2018) z vynikam $911 młn.
Akramia taho, «Majkł» pastaviŭ rekord pa startavych kasavych zborach siarod muzyčnych bajopikaŭ, zarabiŭšy $97 młn u ZŠA i $217 młn pa ŭsim śviecie za pieršyja vychodnyja prakatu.
Usiaho da viečara 28 červienia pa-za miežami ZŠA «Majkł» sabraŭ $607,2 młn, u amierykanskim prakacie — $370,2 młn.
Karcina režysiora Antuana Fukua raskazvaje pra tvorčy šlach Majkła Džeksana ad vystupleńniaŭ u składzie Jackson 5 da statusu «karala pop-muzyki». Hałoŭnuju rolu vykanaŭ plamieńnik śpievaka Džaafar Džeksan, a siamja Džeksanaŭ častkova finansavała zdymki.
Film krytyki nazyvajuć vielmi saładžavym. U im całkam abychodziać pytańnie seksualizavanaha hvałtu nad dziećmi, što zakidali Majkłu Džeksanu.