U Homieli chłopiec šukaje žonku pa abjavie — jon raskleiŭ pa horadzie sotni ŭlotak
26‑hadovy inžynier z Homiela abraŭ niezvyčajny na siońnia sposab dla pošuku spadarožnicy žyćcia, pišuć «Mocnyja naviny».
Fota: «Mocnyja naviny»
Maksimu 26 hadoŭ. U chłopca dźvie adukacyi, jon inžynier, zajmajecca sportam, čytaje knihi, viedaje anhlijskuju. Małady čałaviek šukaje sabie žonku i vybraŭ dla hetaha kreatyŭny sposab — raskleiŭ pa ŭsim horadzie zvyčajnyja papiarovyja abjavy.
Jak raspavioŭ Maksim «Mocnym Navinam», takoje rašeńnie — nie prykoł, chłopiec nastrojeny vielmi surjozna. Anłajn-znajomstvy — nie dla jaho, tamu jon vyrašyŭ dziejničać pa-staromu, praz fłajery na prypynkach.
Małady čałaviek kaža, što efiekt jość — jamu ŭžo napisali niekalki dziaŭčat, da taho ž jaho abjavy virusiacca ŭ Threads.
Žanatym chłopiec nie byŭ, dziaciej u jaho pakul niama. Patencyjnaj spadarožnicaj Maksim bačyć dziaŭčynu ad 18 da 26 hadoŭ z padobnym śvietapohladam.