Jak vyhladajuć kvatery ŭ domie ŭ centry Minska paśla pažaru FOTY, VIDEA
Učora ŭviečary ŭ domie na Lenina, 9 u stalicy adbyŭsia pažar. Zaharelisia haryšča i dach. Z samaj ranicy žychary doma, jakija načavali ŭ inšych miescach (chto ŭ svajakoŭ, chto ŭ internacie), užo pryjechali acanić maštab trahiedyi, piša Onliner.
Chtości maŭkliva staić u dvary, chtości ŭschvalavana vychodzić z padjezdaŭ. Ludziej puskajuć unutr, kab tyja zmahli zabrać niejkija nieabchodnyja rečy abo sfatahrafavać škodu.
Treci padjezd płyvie. Paŭsiul stajać łužyny vady, pachnie haram.
Artur i Kaciaryna zhadžajucca pakazać svaju arendnuju kvateru. Sa stoli da hetaha času ljecca vada ciomnaha koleru, adčuvajecca mocnaja vilhotnaść.
— Voś, sfotkali kvateru dla haspadara. Jon prosta nie ŭ Minsku znachodzicca. My tut rabili sami ramont, kuplali meblu i techniku… — kaža Artur. — Što budziem rabić? Ja pajedu nazad žyć u svaju kvateru ŭ Minsku, ja minčuk.
Paviercham nižej znachodzicca kvatera Śviatłany. Žančyna sa ślazami na vačach prosić zafiksavać uron i nie viedaje, jak dziejničać i čaho čakać. Pa jejnych słovach, pakul jana budzie žyć u dački. Kali atrymajecca viarnucca ŭ svaju rodnuju stalinku — pytańnie adkrytaje.
— Pahladzicie, zajdzicie ŭ spalniu. Ja liču, što niechta pavinien arhanizoŭvać ludziam dapamohu. Nie tolki zasialeńnie ŭ haścinicu. Kali ja pytaju, chto pryjdzie aceńvać uron, chto heta ŭsio zafiksuje, nichto ničoha nie kaža. Pahladzicie, što robicca. Usio hareła, heta ž nie čystaja vada ciače. Ź pierakryćciaŭ idzie, razumiejecie? Dom 53‑ha hoda pabudovy.
A voś tak vyhladaje jašče adna kvatera ŭ padjeździe.