Na ŭschodzie Biełarusi likvidujuć nastupstvy niepahadzi
Ratavalniki likvidujuć nastupstvy niepahadzi ŭ Homielskaj i Mahiloŭskaj abłaściach, paviedamiła pres-słužba MNS.
Skrynšot ź videa
Pavodle apieratyŭnych danych, u Babrujskim rajonie z-za prachodžańnia navalničnaha frontu byli paškodžanyja dachi dvuch abjektaŭ, a taksama dzieviać aŭtamabilaŭ.
U Buda-Kašaloŭskim rajonie supracoŭniki MNS pracavali na miescy abrušeńnia cialatnika ŭ vioscy Hubičy. Razam z rabotnikami haspadarki jany razabrali zavały budaŭničych kanstrukcyj i vyratavali 33 cialaci.
Skrynšot ź videa
Taksama ratavalniki raśpiłoŭvali i prybirali pavalenyja drevy ŭ Homielskim, Brahinskim i Rečyckim rajonach. Usiaho padraździaleńni MNS 29 razoŭ vyjazdžali na likvidacyju nastupstvaŭ stychii i prybrali 55 pavalenych dreŭ.
Skrynšot ź videa
Pavodle papiaredniaj infarmacyi, u vyniku niepahadzi nichto nie paciarpieŭ.
Čytajcie taksama:
U Babrujsku śpioka siońnia dniom rezka źmianiłasia na niepahadź FOTY i VIDEA