La ŭźbiarežža Vieniesueły adbyŭsia novy ziemlatrus
La ŭźbiarežža Vieniesueły ranicaj 29 červienia adbyŭsia novy ziemlatrus mahnitudaj 4,6. Padziemnyja šturški adčuvalisia ŭ Karakasie i Ła-Huajry.
Zdymak ilustracyjny. Fota: AP Photo/Matias Delacroix
Heta adbyłosia praź piać dzion paśla dvuch mocnych ziemlatrusaŭ mahnitudaj 7,2 i 7,5, jakija vyklikali maštabnyja razbureńni na poŭnačy krainy i, pavodle aficyjnych źviestak, zabrali žyćci nie mienš jak 1450 čałaviek.
Epicentr novaha ziemlatrusu znachodziŭsia prykładna za 10 kiłamietraŭ na ŭschod ad Ła-Huajry, a ačah zalahaŭ na hłybini 2,9 kiłamietra. Paśla asnoŭnych šturškoŭ siejsmołahi zarehistravali bolš za 400 afteršokaŭ.
U šerahu rajonaŭ krainy, asabliva ŭ Karakasie, pa-raniejšamu častkova adklučanaja padača pryrodnaha hazu. Tym časam vieniesuelskija i mižnarodnyja ratavalnyja słužby praciahvajuć pošukava-vyratavalnyja raboty ŭ najbolš paciarpiełych rajonach.
Vykanaŭca abaviazkaŭ prezidenta Vieniesueły Dełsi Radryhies abviaściła ab pačatku prahramy dapamohi ludziam, jakija stracili svajo žyllo ŭ vyniku stychijnaha biedstva.
Čytajcie taksama:
Litva pasłała ratavalnikaŭ u Vieniesuełu, Biełaruś — nie
U Vieniesuele vyratavali 60‑hadovuju žančynu paśla 86 hadzin pad zavałami
U Vieniesuele 11‑hadovaha chłopčyka žyvoha dastali z-pad zavałaŭ praz 70 hadzin paśla ziemlatrusu
Kolkaść achviar ziemlatrusu ŭ Vieniesuele pieravysiła 1400 čałaviek