U Minsku pastavili zaradki dla elektrakaraŭ, jakija pieradajuć danyja pra parušeńni ŭ DAI
Sietka BatteryFly zapuściła zaradny chab pobač ź biznes-kompleksam «PORT» na vulicy Šafarnianskaj u Minsku. Jaho asablivaść — sistema kantrolu zaradnych miescaŭ, piša Office Life.
Na placoŭcy ŭstalavali dźvie stancyi mahutnaściu 160 kVt kožnaja. Adnačasova tut mohuć zaražacca da čatyroch aŭtamabilaŭ. Stancyi padtrymlivajuć papularnyja typy raźjomaŭ: try GB/T i adzin CCS2.
Pry hetym na łakacyi zapuścili sistemu kantrolu zaradnych miescaŭ: kamiera raspaznaje aŭtamabili, jakija zaniali miesca biez padklučeńnia da zaradki. Sistema aŭtamatyčna ŭklučaje hałasavoje papiaredžańnie. I ŭ vypadku parušeńnia danyja pieradajucca ŭ DAI.
Raniej anansavali, što sietka BatteryFly i biełaruski vytvorca zaradnych stancyj «Strym» ustalujuć 150 zaradnych stancyj pa ŭsioj Biełarusi. Ich asnaściać kaniektarami nie tolki GB/T, ale i CCS2, jakija charakterny dla jeŭrapiejskich madelaŭ elektrakaraŭ.