Zapuścili novy biaspłatny servis dla prodažu aŭtamabilaŭ
U Biełarusi źjaviŭsia novy biaspłatny servis dla prodažu aŭtamabilaŭ. Jaho zapuściła dziaržaŭnaje pradpryjemstva «Biełtechahlad».
Zdymak ilustracyjny. Fota: LookByMedia
Servis dastupny dla fizičnych asob. Kab raźmiaścić abjavu ŭ im, nieabchodna zarehistravacca na sajcie gto.by, u asabistym kabiniecie dadać infarmacyju pra aŭtamabil i dačakacca pravierki. Paśla maderacyi abjava źjavicca ŭ raździele «Prodaž aŭtamabilaŭ» na hałoŭnaj staroncy partała.
Akramia taho, aŭtamabili, jakija prajšli kompleksnuju pieradprodažnuju dyjahnostyku na stancyjach «Biełtechahladu», buduć atrymlivać śpiecyjalnuju adznaku «Pravierana Biełtechahladam».
Na pradpryjemstvie adznačajuć, što takaja paznaka paćviardžaje praviadzieńnie niezaležnaj techničnaj pravierki i moža stać dadatkovaj pieravahaj dla pradaŭca, a dla kupca — śviedčańniem techničnaj prazrystaści aŭtamabila.
Čytajcie taksama:
U «Biełtechahladzie» raskazali, na što čaściej za ŭsio chvarejuć elektrakary
Techahlad u Biełarusi ciapier možna budzie padaryć
U Biełarusi ŭviali źmieny dla aŭtaŭładalnikaŭ pry prachodžańni techahladu
Kiroŭcam bolš nie budzie patrebna vazić z saboj paćviardžeńnie prachodžańnia techahladu