Zialenski prakamientavaŭ udar pa zavodzie zmazačnych materyjałaŭ va Ufie
«Užo druhi raz našy sankcyjnyja miery ŭ adkaz na toje, što Rasija zaciahvaje vajnu, dasiahnuli naftapierapracoŭčaha zavoda va Ufie — adnaho z najbujniejšych rasijskich vytvorcaŭ zmazačnych materyjałaŭ. Adlehłaść da abjekta — bolš za 1300 kiłamietraŭ ad linii frontu», — napisaŭ prezident Ukrainy.
«Taksama ŭ Pienzienskim rehijonie naša zbroja dasiahnuła stratehičnaha abjekta rasijskaha vajenna-pramysłovaha kompleksu, jaki zajmajecca raspracoŭkaj i vytvorčaściu kamplektujučych dla rakietnaha ŭzbrajeńnia, što akupanty vykarystoŭvajuć dla ŭdaraŭ pa našych haradach i nasielenych punktach. Adlehłaść da mety — kala 600 kiłamietraŭ ad linii frontu.
Štodnia vykonvajecca naš płan prymianieńnia ŭkrainskich dalnabojnych sankcyj. Heta całkam spraviadlivy adkaz na ŭsio, što Rasija robić suprać nas.
Mir nieabchodny, i mienavita heta pavinna ŭśviadomić rasijskaje kiraŭnictva. Rasija pavinna spynić svaju vajnu. I ŭsie mahčymaści dla hetaha ŭ rasijskaha kiraŭnictva jość.
Ja dziakuju kožnamu ŭkrainskamu voinu, jaki zabiaśpiečvaje našu dakładnaść pry naniasieńni dalnabojnych udaraŭ», — zajaviŭ Zialenski.