Na čempijanacie śvietu źjaviłasia novaja lubimaja fanatka. Usie šalejuć ad zaŭziatarki zbornaj Parahvaja ŠMAT FOTA
U baraćbu za zvańnie samaj paznavalnaj balelščycy čempijanatu śvietu ŭklučyłasia fanatka zbornaj Parahvaja Naiel Ahilere. Paśla taho jak dziaŭčynu niekalki razoŭ pakazali padčas tranślacyj matčaŭ, jana stała znakamitaj: Ahilere ŭžo prapanavali madelnyja kantrakty i rolu ŭ sieryjale, piša Onliner.
Padčas čempijanatu śvietu fanatka zbornaj Parahvaja Naiel Ahilera niekalki razoŭ traplała ŭ kadr telekamier na trybunach — i chutka stała adnoj z samych zaŭvažnych zaŭziatarak turniru. Jaje vobraz akazaŭsia nastolki zapaminalnym, što niekatoryja fanaty ŭžo ličać dziaŭčynu talismanam kamandy: maŭlaŭ, kali Ahilera na stadyjonie, Parahvaj abaviazkova pieramoža. Napiaredadni parahvajcy ŭ 1/16 finału vybili Hiermaniju, vyjhraŭšy sieryju pienalci.
U vyniku niečakanaja papularnaść pryniesła dziaŭčynie prapanovu kantrakta ad madelnaha ahienctva. Akramia taho, Naiel zaprasili źniacca ŭ sieryjale. Sama Ahilera ŭ intervju na parahvajskim telebačańni raspaviała, što ŭ jaje svaja meta: pradstaŭlać Parahvaj na konkursie «Mis Suśviet». U Instagram dziaŭčyny 349 tysiač padpisčykaŭ.
Sama dziaŭčyna — uradženka horada Maryjana-Rokie-Ałonsa. Zaraz jana madel, influjensier i studentka fakulteta psichałohii, dzie zaviaršyła pieršy hod navučańnia. Na druhi jana choča stvaryć arhanizacyju pa abaronie žyvioł.