Termin čakańnia MRT i KT skaracili da 30 dzion
Z 1 lipienia 2026 hoda ŭ dziaržaŭnych ustanovach achovy zdaroŭja Biełarusi ŭviedzieny novy paradak praviadzieńnia płanavych kampjutarnaj i mahnitna-rezanansnaj tamahrafii biez vykarystańnia kantrastnaha rečyva, paviedamiła pres-słužba Ministerstva achovy zdaroŭja.
Zdymak ilustracyjny. Fota: magnific.com
Ciapier termin čakańnia takich daśledavańniaŭ nie pavinien pieravyšać 30 dzion. U Ministerstvie achovy zdaroŭja adznačyli, što hetaje pytańnie znachodzicca pad pastajannym kantrolem, a hałoŭnaja meta — zrabić dyjahnastyčnuju dapamohu bolš dastupnaj i svoječasovaj.
Pry ekstrannych miedycynskich pakazańniach KT i MRT buduć pravodzicca pa-za čarhoj u pieršačarhovym paradku.
Kali ŭ pacyjentaŭ uźniknuć pytańni nakont zapisu abo terminaŭ praviadzieńnia daśledavańnia, im rekamiendujuć źviartacca da administracyi svajoj palikliniki abo balnicy. Akramia taho, atrymać nieabchodnuju infarmacyju možna praz aficyjny čat-bot Ministerstva achovy zdaroŭja.
Čytajcie taksama:
Biełaruska ŭ 29 hadoŭ pieražyła išemičny insult