Tałaj bolš nie pracuje ŭ trenierskim štabie BATE
Viadomaja ŭ minułym lohkaatletka Alina Tałaj pakinuła kłub.
Fota: FK BATE
Tałaj pačała supracoŭnictva z BATE ŭ lutym 2024 hoda, staŭšy trenieram pa fizičnaj padrychtoŭcy dubloraŭ. U lipieni 2025 hoda jana taksama ŭvajšła ŭ trenierski štab asnoŭnaj kamandy.
«Tałaj pakinuła naš kłub paśla zakančeńnia terminu dziejańnia kantraktu», — paviedamlaje pres-słužba BATE.
U 15‑hadovaha čempijona krainy, byłoha fłahmana biełaruskaha futbołu spravy ŭ hetym siezonie prosta švach.
Paśla 13‑ha tura BATE apuściŭsia na pieradapošni radok u turnirnaj tablicy, i jamu pahražaje vylet z vyšejšaj lihi. U kłuba ŭsiaho adna pieramoha (5 krasavika nad «Baranavičami»), šeść ničyich i šeść parazaŭ.
soccerstand.com
Siońnia BATE hulaje ŭ čempijanacie z «Homielem». Praŭda, kłub vyjhraŭ Kubak Biełarusi pa futbole i pradstavić krainu ŭ kvalifikacyi Lihi kanfierencyj, jaho supiernikam budzie ałbanski «Elbasani» (matčy 7 i 15 lipienia).
BATE — 15 razovy čempijon krainy, pryčym z 2006 pa 2018 hady 13 razoŭ zapar vyjhravaŭ nacyjanalnaje pierhšynstvo, zatym trojčy finišavaŭ druhim, a potym vyniki stali horšać. 2023 hoda — piataje miesca, 2024‑y — vośmaje, 2025‑y — dziasiataje.