Cichanoŭskaja zrabiła sełfi ŭ vyšyvancy FOTAFAKT
Demakratyčnaja lidarka Biełarusi źviarnułasia da biełarusaŭ z nahody Dnia vyšyvanki i zrabiła fota.
Fota: telehram-kanał Śviatłany Cichanoŭskaj
«Našaja kultura — heta mienavita toje, što robić nas biełarusami. Pieśni, jakija napiavała babula, kazki, jakija čytali nam pierad snom, mify, što pieradavalisia z vusnaŭ u vusny, i, kaniečnie, našyja stroi. Vyšyvanka — heta naš kulturny kod. Kožny radok ručnoj vyšyŭki niasie ŭ sabie pamiać i historyi našych prodkaŭ. Kali my apranajem jaje, my pakazvajem usim navokał: my viedajem, chto my jość, i hanarymsia hetym.
Jak stvarajecca ŭzor vyšyvanki radok za radkom, tak i pišacca naša historyja. Pamylišsia ŭ adnym ściažku — i mianiajecca ŭvieś malunak. Tak i z kulturaj: straciš adzin kavałačak, adnu tradycyju — i ŭžo ciažka budzie paznać siabie. Bieražycie i šanujcie svajo, bo mienavita jano robić nas adzinym narodam», — napisała Śviatłana Cichanoŭskaja.