Troch paciarpiełych u vyniku incydentu z aŭtobusam na Branščynie adpuścili z balnicy dachaty
Troje čałaviek, jakija paciarpieli padčas incydentu ź biełaruskim turystyčnym aŭtobusam u Branskaj vobłaści Rasii, paśla akazańnia miedycynskaj dapamohi byli adpuščanyja dadomu. Pra heta paviedamiŭ rasijskamu vydańniu Sputnik hałoŭny doktar Homielskaj abłasnoj kliničnaj balnicy Andrej Tabańkoŭ.
Homielskaja abłasnaja kliničnaja balnica. Fota: clinicsbel.by
Pa słovach Andreja Tabańkova, usim pacyjentam praviali nieabchodnaje abśledavańnie i akazali poŭny kompleks miedycynskaj dapamohi. U paciarpiełych dyjahnastavali traŭmy roznaj łakalizacyi, adnak jany nie adnosiacca da ciažkich. Paśla pieraviazak i atrymańnia rekamiendacyj miedykaŭ usie troje byli vypisanyja.
Cikava, što raniej dziaržaŭny sakratar Rady biaśpieki Biełarusi Alaksandr Valfovič zajaŭlaŭ, što ŭ vyniku zdareńnia paciarpieli dvoje kiroŭcaŭ i što ich stan aceńvajecca jak ciažki.
Čytajcie taksama:
Valfovič zajaviŭ pra ciažki stan paciarpiełych kiroŭcaŭ aŭtobusa
Valfovič pra vybuch drona kala biełaruskaha aŭtobusa: «Heta była čystaja vypadkovaść»
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju
Dron prylacieŭ u pasažyrski aŭtobus na miažy Rasii i Biełarusi
Źjaviłasia VIDEA z aŭtobusam, u jaki trapiŭ dron pad Branskam