U Pastavach pradajuć z aŭkcyjona budynak miascovaha hatela
U Pastavach na tarhi vystaŭleny budynak hatela, raźmieščany ŭ centry horada. Pabudovu ŭźviali ŭ 1973 hodzie ŭ styli savieckaha madernizmu, jana maje płošču kala 1,7 tysiačy kvadratnych mietraŭ.
Fota: «BUTB-Majomaść»
Budynak hatela dvuchpaviarchovy, z uvachodam, azdoblenym kałonami. U im raźmieščany 41 numar, a adnačasova tam mohuć žyć da 88 čałaviek. U 2006 hodzie ŭ hateli pravodziŭsia ramont.
Pačatkovaja cana abjekta składaje krychu bolš za 1 miljon biełaruskich rubloŭ. Tarhi pryznačanyja na 28 lipienia i buduć prachodzić praź placoŭku «BUTB-Majomaść».
Adnačasova adznačajecca, što abjekt maje šerah abmiežavańniaŭ. Častka pamiaškańniaŭ užo zdadziena ŭ arendu da 2030 hoda, a źmiena pryznačeńnia budynka mahčymaja tolki z dazvołu miascovych uładaŭ.
Čytajcie taksama:
U Viciebsku pradajuć budynak byłoha chiedera, dzie vučyŭsia Mark Šahał
U Klecku vystaŭleny na aŭkcyjon budynak miascovaj aŭtastancyi