Tramp pažadaŭ Łukašenku «mirnaha hoda»
«Spadziajusia na sustreču z vami ŭ budučyni», — havorycca ŭ vinšavańni, dasłanym Alaksandru Łukašenku.
Fota: Win McNamee / Getty Images
Alaksandr Łukašenka ŭ Dzień niezaležnaści atrymaŭ vinšavańni ad roznych kiraŭnikoŭ krain. Siarod ich i Donald Tramp.
«Ad imia Złučanych Štataŭ Amieryki ja vinšuju narod Biełarusi sa śviatkavańniem Dnia respubliki 3 lipienia. Hety dzień pryśviečany vyzvaleńniu Minska ad nacysckaj akupacyi i nazaŭždy zastaniecca napaminam pra baraćbu biełaruskaha naroda za svabodu. Vam i narodu Biełarusi ja pieradaju svaje ščyryja pažadańni mirnaha i kvitniejučaha hoda i spadziajusia na sustreču z vami ŭ budučyni», — cytuje vinšavańnie Trampa BiełTA.
Svaje vinšavańni dasłali taksama Uładzimir Pucin, Si Dzińpin dy inšyja kiraŭniki dziaržaŭ.