Miedycynskaja łabaratoryja Synlab u Biełarusi mianiaje nazvu
Z čym źviazana?
Miedycynskaja łabaratoryja «Synlab Biełaruś» źmianiaje nazvu, paviedamiła Blizko.by.
Źmiena brenda źviazana sa źmienaj struktury ŭłasnaści i dalejšym raźvićciom kampanii. Kampanija ŭ Biełarusi bolš nie ŭvachodzić u hrupu kampanij Synlab International.
Ciapier łabaratoryi buduć pracavać u Biełarusi pad novym brendam Monolab.
Dyrektar Siarhiej Vasiukovič adznačyŭ, što ŭ płanach kampanii pašyreńnie pieraliku daśledavańniaŭ, raźvićcio novych kirunkaŭ dyjahnostyki i zachavańnie dastupnaha ŭzroŭniu cen.
U bližejšy čas kampanija budzie paetapna abnaŭlać łahatypy.
U pačatku 2023 hoda rasijskaja sietka łabaratoryj Helix vykupiła biełaruskuju sietku Synevo (58 adździaleńniaŭ u 23 haradach). Raniejšy ŭładalnik biełaruskaj sietki, šviedski miedycynski chołdynh Medicover, syšoŭ ź Biełarusi, acaniŭšy svaje aktyvy ŭ 14,5 miljona jeŭra.