U Sankt-Pieciarburhu byŭ atakavany naftavy terminał
U paŭdniova-ŭschodniaj častcy Sankt-Pieciarburha byŭ zaŭvažany dym.
Pavodle analizu OSINT-analityka Astra, pažar uźnik na terytoryi AAT «Pieciarburhski naftavy terminał», jaki znachodzicca ŭ niepasrednaj blizkaści ad Vialikaha porta Sankt-Pieciarburha i vykarystoŭvajecca dla pieravałki nafty i naftapraduktaŭ pamiž čyhunačnym, trubapravodnym i marskim transpartam.
Na adnym ź videazapisaŭ haryć nie reziervuar, a čyhunačnaja cysterna, jakaja znachodzicca na padjaznych šlachach pobač z terminałam. Pry hetym ataka praciahvajecca, a kolkaść ačahoŭ uzharańnia pavialičvajecca.
Paśla čaćviortaj hadziny ranicy hubiernatar Leninhradskaj vobłaści Alaksandr Draździenka paviedamiŭ pra niebiaśpieku ataki bieśpiłotnikaŭ u pavietranaj prastory rehijona i mahčymyja abmiežavańni chutkaści mabilnaha internetu.
«Na hety momant nad Leninhradskaj vobłaściu byli źbityja dva bieśpiłotnyja latalnyja aparaty. Bajavaja rabota praciahvajecca», — napisaŭ Draździenka kala 5‑j hadziny ranicy.
«Nad Leninhradskaj vobłaściu byli źbityja 67 bieśpiłotnikaŭ praciŭnika. Bajavaja rabota praciahvajecca», — paviedamiŭ hubiernatar Leninhradskaj vobłaści kala vaśmi hadzin ranicy.