U Bataničnym sadzie pačaŭsia fiestyval «Kupalskija ahni»
Uviečary adbudziecca tradycyjnaje fakielnaje šeście da voziera, dzie ŭsie achvotnyja zmohuć puścić na vadu splecienyja vianki.
Tradycyjny fiestyval «Kupalskija ahni» prachodzić u Centralnym bataničnym sadzie Minska 4 i 5 lipienia, pišuć Minsk-naviny.
Arhanizatary padrychtavali nasyčanuju dvuchdzionnuju prahramu z 10:00 da 22:00, zachavaŭšy klučavuju ideju — pahružeńnie ŭ kulturnuju spadčynu Kupalla.
Haściej čakajuć vystupleńni falkłornych kalektyvaŭ, kirmaš ramiostvaŭ, histaryčnyja rekanstrukcyi i navat rycarski łahier. Dla amataraŭ aktyŭnaha adpačynku praduhledžany siamiejnyja hulni, interaktyvy i kvest pa pošuku mifičnaj «paparać-kvietki».
Asablivy akcent zrobleny na aŭtentyčnych abradach.
Uviečary adbudziecca tradycyjnaje fakielnaje šeście da voziera, dzie ŭsie achvotnyja zmohuć puścić na vadu splecienyja vianki.Hałoŭnym numaram prahramy stanie maštabnaje fajer-šou ad viadomaha staličnaha teatra ahniu.
Dla junych naviedvalnikaŭ budzie abstalavana asobnaja zona z animatarami i zabaŭkami. Na terytoryi taksama razhorniecca fud-kort.