Futbołka hetaha hulca stała samym pradavanym tavaram na čempijanacie śvietu
Nie Miesi, nie Ranałdu, nie Kiejn i navat nie Mbape.
Kilijan Mbape i Majkł Alise śviatkujuć hoł Mbape ŭ matčy 1/16 finału suprać Šviecyi (3:0). Alise vyznačyŭsia ŭ tym matčy dvuma asistami: Mbape i Bredli Barkala. Fota: Petr David Josek / AP
Paŭabaronca zbornaj Francyi i «Bavaryi» Majkł Alisie staŭ lidaram pa kolkaści pradadzienych futbołak siarod usich hulcoŭ nacyjanalnaj kamandy na čempijanacie śvietu 2026 hoda, paviedamlaje Championat.com sa spasyłkaj na Le Parisien.
Popyt na ekipiroŭku z proźviščam futbalista rezka vyras na fonie jaho jarkich vystupleńniaŭ na turniry. Roźničnyja pradaŭcy nie paśpiavajuć vykonvać vialikuju kolkaść zakazaŭ, tamu zaŭziatary sutyknulisia z deficytam futbołak u aficyjnych punktach prodažu.
Francyja rychtujecca da matča 1/8 finału suprać Parahvaja. Sustreča adbudziecca ŭ noč na zaŭtra (pačatak a 00:00).
Na šlachu da hetaj stadyi francuzy atrymali čatyry pieramohi ŭ čatyroch matčach z ahulnym likam 13:2, pa čarzie abyhraŭšy zbornyja Sieniehała (3:1), Iraka (3:0), Narviehii (4:1) i Šviecyi (3:0) u 1/16 finału.
Na rachunku Alisie — čatyry matčy ŭ startavym składzie, u jakich jon addaŭ šeść halavych pieradač. U minułym siezonie za «Bavaryju» ŭ jaho 19 halavych pieradač va ŭsich turnirach. Bolš tolki ŭ Brunu Fiernandeša z «Mančester Junajted» — 21 asist u 35 matčach premjer-lihi.