U kurortnaj Jeŭpatoryi źnikli elektryčnaść i vada
U horadzie na zachadzie Kryma parušanaje elektrazabieśpiačeńnie, paviedamiła haradskaja administracyja.
Pažar na padstancyi ŭ Krymie, 5 lipienia. Skrynšot ź videa
«My znoŭ sutyknulisia z prablemaj z elektrazabieśpiačeńniem Jeŭpatoryi i ŭsimi nastupstvami, jakija z hetaha vynikajuć. Stanam na 9:20 elektryčnaści niama pa ŭsim horadzie, u bolšaści rajonaŭ taksama niama vady, tramvai nie chodziać», — havorycca ŭ paviedamleńni.
Śpiecyjalisty pracujuć nad likvidacyjaj avaryjnaj situacyi z nočy, adnak dakładnyja terminy adnaŭleńnia padačy elektraenierhii pakul nieviadomyja, dadali haradskija ŭłady.
Siońnia ŭnačy ŭkrainskija bieśpiłotniki nanieśli ŭdary pa niekalkich padstancyjach u akupavanym Krymie. Na paŭvostravie zachoŭvajucca vostryja prablemy jak zabieśpiačeńniem palivam, tak i z elektryčnaściu.