Mama studentki-vydatnicy raskazała pra vydatki na vypuskny
Homielskaja błohierka, mama studentki z čyrvonym dypłomam Alena Krotava raskazała, u kolki abyšlisia zbory dački na ŭručeńnie čyrvonaha dypłoma.
Alena kaža, što dačka ŭvajšła ŭ lik 24 najlepšych studentaŭ krainy. I da ŭručeńnia čyrvonaha dypłoma jana rychtavałasia hruntoŭna.
Ale vydatki byli ekvivalentnymi jašče adnamu siemiestru navučańnia, kaža Alena. Jana pakazała kaštarys.
Spadnica — 80 rubloŭ, top — 160 rubloŭ.
Pad ubrańnie abutak — basanožki za 70 rubloŭ.
Aksiesuary — 35 rubloŭ.
Manikiur — 50 rubloŭ, piedykiur — 60 rubloŭ.
Karekcyja brovaŭ — 40 rubloŭ.
Viejki naraścić — 70 rubloŭ (ale na hetym sekanomili, bo Alena sama majstar tut).
Pryčoska i makijaž — 250 rubloŭ, ale dačka sama zrabiła, i taksama ekanomija atrymałasia dobraja.
Kab ubrańnie vyhladała bolš efiektna, zamovili pasłuhu aŭtazaharu — 50 rubloŭ.
Razam atrymałasia 865 biełaruskich rubloŭ, nie ličačy kvietak i vydatkaŭ na taksi.
«Ja, viadoma, nie skupianda, ale suma vyjšła prystojnaj. Možna było pyłasos viertykalny kupić abo za adzin siemiestr mahistratury zapłacić, — kaža Alena i pytaje mierkavańnia.— Jak vy ličycie, heta šmat ci mała dla padziei ź niekalkich hadzin žyćcia?»