Minčanie pierarabili kvateru ŭ dvuchpaviarchovuju, a ciapier pradajuć. Kolki prosiać?
Na dziasiatym paviersie šmatpaviarchovika, raźmieščanaha na vulicy Bialinskaha, haspadary pierarabili standartnuju kvateru ŭ dvuchuzroŭnievaje žyllo. U abjavie hetaja prastora acharaktaryzavana jak «dvuchpaviarchovy łoft», piša «Minskaja praŭda».
Dziesiacipaviarchovy žyły dom, u jakim znachodzicca kvatera, byŭ pabudavany ŭ 2011 hodzie i raźmieščany ŭ niepasrednaj blizkaści ad vulicy Leanida Biady i skviera Katoŭka. Kvatera, vystaŭlenaja na prodaž, zajmaje apošni, dziasiaty pavierch hetaha budynka. Ahulnaja płošča kvatery — 87 kvadratnych mietraŭ, ź jakich 57 kvadratnych mietraŭ zajmajuć žyłyja pamiaškańni.
Pradaviec nazvaŭ hetaje žyllo čatyrochpakajovaj kvateraj.
Na pieršym uzroŭni raźmieščany takija pamiaškańni, jak kuchnia, haścioŭnia, spalnia i sanvuzieł.
Na druhim paviersie praduhledžany dadatkovyja spalnyja miescy.
Acanili hetuju niezvyčajnuju kvateru na 594 300 rubloŭ, a kvadrat vychodzić 6 831 rubiel (kala 204 641 dalaraŭ i 2 352 dalary za kvadrat).