FIFA adkłała dyskvalifikacyju najlepšaha bambardzira zbornaj ZŠA paśla zvanka ź Biełaha doma
Mižnarodnaja fiederacyja futboła (FIFA) apynułasia ŭ centry skandału na čempijanacie śvietu. Arhanizacyja ŭpieršyniu ŭ historyi abyšła praviła čyrvonaj kartki, jakoje praduhledžvaje aŭtamatyčny propusk matča paśla jaje atrymańnia. FIFA dazvoliła bambardziru zbornaj ZŠA Fałarynu Bałahunu zhulać u 1/8 finału suprać Bielhii.
Prezident FIFA Džani Infancina ŭručaje prezidentu ZŠA Donaldu Trampu Premiju miru FIFA padčas žarabjoŭki čempijanatu śvietu pa futbole 2026 hoda, 5 śniežnia 2025 hoda. Fota: AP Photo / Stephanie Scarbrough, Pool, File
Bałahun byŭ vydaleny za hruby foł na 64‑j chvilinie sustrečy hrupavoha etapu suprać Bośnii i Hiercahaviny (2:0).
Pieršapačatkova zajaŭlałasia, što pakarańnie nie padlahaje abskardžańniu, adnak paźniej dyscyplinarny kamitet FIFA prymianiŭ artykuł 27 svajho kodeksa i adkłaŭ vykanańnie dyskvalifikacyi, pryznačyŭšy hulcu vyprabavalny termin na adzin hod.
Pavodle infarmacyi spartyŭnaha žurnalista Bena Džejkabsa, za takim rašeńniem staić pramoje ŭmiašańnie Biełaha doma, adkul naŭprost źviazvalisia z prezidentam FIFA Džani Infancina.
Donald Tramp u sacsietcy Truth Social padziakavaŭ arhanizacyi za takoje rašeńnie: «Dziakuj FIFA za toje, što zrabili pravilna i vypravili vialikuju niespraviadlivaść!»