Zialenski i Tramp sustrenucca na hetym tydni
Prezident ZŠA Donald Tramp u sieradu, 8 lipienia, praviadzie sustreču z prezidentam Ukrainy Uładzimiram Zialenskim. Pieramovy adbycca ŭ Ankary padčas samitu NATA.
Uładzimir Zialenski i Donald Tramp. Fota: Press Service Of The President Of Ukraine / AP
Jak paviedamiła žurnalistka Hiba Nasr u sacsietcy X sa spasyłkaju na vysokapastaŭlenaha čynoŭnika ZŠA, Tramp praviadzie dvuchbakovyja sustrečy z ukrainskim prezidentam Uładzimiram Zialenskim i prezidentam Siryi Achmiedam aš-Šaraa — u kułuarach samitu Paŭnočnaatłantyčnaha aljansu ŭ Ankary.
4 lipienia Uładzimir Zialenski pravioŭ telefonnuju razmovu z Trampam, padčas jakoj pavinšavaŭ jaho z 250‑hodździem ZŠA. Pa słovach ukrainskaha lidara, jość «realnaja pierśpiektyva» zaviaršyć vajnu, i baki damovilisia praciahnuć dyjałoh asabista na samicie NATA ŭ Ankary.
Papiaredniaja sustreča Zialenskaha z Trampam adbyłasia ŭ červieni 2026 hoda na palach samitu «Hrupy siami». Tady storany abmierkavali temu atrymańnia Ukrainaj licenzij na vytvorčaść antybalistyčnych rakiet.